marea de vigo denuncia que os investimentos consignados ao uso de 45 millons de euros dos remanentes son prácticamente os mesmos que os empregados para xustificar o uso de 33 millóns no ano 2020.

8 de Febreiro de 2022

Marea de Vigo denuncia que os investimentos consignados ao uso de 45 millons de euros dos remanentes son prácticamente os mesmos que os empregados para xustificar o uso de 33 millóns no ano 2020.

Rubén Pérez: “Nin a Biblioteca pública de Teis, nin ducias de humanizacións, nin a peonalización da praza Elíptica, nin o Plan de Eficiencia Enerxética… , investimentos utilizados para xustificar o uso de 33 millóns de euros dos remanentes de tesourería do 2020 que xamais foron executados e agora volven a ser escusa para o acopio de 45 millons de euros”.

Vigo, 08-02-2022. Marea de Vigo afirma que o que se está facendo co anuncio de onte do Goberno local sobre unha nova mobilización dos remanentes “é unha pantomima en canto á mobilización de recursos que non chegan a executarse e non priorizan as cuestións que precisamente xustificaban esta mobilización: reactivar a economía da cidade despois dunha crise economica e social provocada pola covid” explica Rubén Pérez, voceiro do Grupo municipal.

“A maioria das actuacións anunciadas son as mesmas que se anunciaron no ano 2020” sinala o voceiro municipal. Entre elas Marea de Vigo sinala o acondicionamento do antigo ambulatorio de Teis para unha bibioteca ou a reforma da antiga EDAR para un auditorio. “Moitas destas actuacións nin chegaron a licitarse e polo tanto non se executaron, e eses cartos pasaron ao superávit do ano 2020 – matiza Rubén Pérez -. Agora volven aparecer, duplicando a reserva de recursos para a mesma obra, e engordando deste xeito dun modo irreal o peto do superávit, feito que logo se cacarea como un logro de xestion e aforro cando so é un caso de neglixencia na xestión dos recursos económicos locais”.

Marea de Vigo segue a considerar que estes fondos, liberados para paliar os graves efectos da pandemia da covid, “teñen que servir para frear os niveis de exclusión social e apoiar aos sectores máis afectados pola crise como o comercio e hostaleria local, a pequena empresa, o sector cultural ou para completar o catálogo de servizos sociais” engade Rubén Pérez.